ХэкIым иIущын пае шъолъыр операторым зэзэгъыныгъэ дэзымышIыгъэ юридическэ лицэхэмрэ предпринимательхэмрэ якъыхэгъэщын «Эко­Цент­рэм» иIофышIэхэм лъагъэ­кIуатэ.

— ЗекIоным ыкIи сатыум алъэныкъокIэ фэIо-фашIэхэр зыгъэцакIэхэрэр ары нахьыбэу ащ фэдэ тхылъ кIэтхэныр къэзыухьэхэрэр. Мыекъуапэ, Мыекъопэ ыкIи Тэхъутэмыкъое районхэм япредпринимательхэм мыщкIэ пэрытныгъэр аIыгъ, — къыIуагъ ООО-у «ЭкоЦентрэм» и Адыгэ шъолъыр къутамэ ипащэ.

Компанием иуплъэкIуакIохэм зэзэгъыныгъэм кIэмытхагъэу къыхагъэщыхэрэм ащкIэ хэбзэгъэуцугъэр зэраукъорэр, шъо­лъыр операторым зэзэгъыныгъэ дашIыныр шIокI зимыIэ Iофэу зэрэщытыр къызщиIорэ тхылъхэр аратых. НахьыбэрэмкIэ, ащ ыуж предпринимательхэм мы пшъэрылъыр агъэцакIэ.

Шъугу къэтэгъэкIыжьы, зэзэгъыныгъэм шъукIэтхэным пае менеджерхэм занкIэу закъы­фэжъугъэзэн шъулъэкIыщт. Ма­ры адресхэмрэ телефонхэмрэ: къалэу Мыекъуапэ, урамэу Пионерскэр, 297-рэ, 8(8772)21-06-04; поселкэу Яблоновскэр, урамэу Школьнэр, 10/1, 8-962-868-12-29. Джащ фэдэу Ин­тернетыр къызфэжъугъэфедэн шъу­лъэкIыщт, ащ инэкIубгъоу https://adygea.clean-rf.ru шъуихьэмэ лъэIу тхылъым итын фаер ишъутхэщт. Нэужым ар электроннэ почтэмкIэ къэжъугъа­хьыжьыщт. Мары иадрес: adg_ecocentr@clean-rf.ru.

ООО-у «ЭкоЦентрэм» и Адыгэ шъолъыр къутамэ ипресс-къулыкъу