Урысые физкультурнэ-спортивнэ комплексэу «Готов к труду и обо­роне» зыфиIорэм ишъолъыр зэнэкъокъу мы мафэхэм республикэм щызэхащагъ.

Мыекъопэ къэлэ админист­рацием спортымкIэ и Комитет къызэрэщаIуагъэмкIэ, зэ­нэкъокъум республикэм ирайонхэм къарыкIыгъэ ныбжьыкIэ­хэр хэлэжьагъэх. Апэрэ чIыпIэр къыдэзыхыгъэр Мыекъуапэ икIэлэеджакIохэр арых. Командэм спортсмен 12 хэтыгъ.

Шъолъыр уцугъом къыды­хэлъытагъэу, лъэныкъуихыкIэ ныбжьыкIэхэр зэнэкъокъугъэх.

Командэхэм зыкъызэрагъэлъэгъуагъэр зызэфахьысыжьым, Мыекъуапэ иныбжьыкIэ­хэм балл 3619-рэ рагъэкъугъ. Зы баллкIэ ахэм ауж къинагъэх ыкIи ятIонэрэ чIыпIэр афа­гъэшъошагъ Красногвардейскэ районым икIэлэеджакIохэм, Мыекъопэ районым къикIыгъэ­хэр ящэнэрэ хъугъэх.

Анахь дэгъоу зыкъэзгъэ­лъэгъуагъэхэм афэгушIуагъэх, кIэлэеджакIохэм ыкIи ахэр зыгъэхьазырыгъэхэм щытхъу тхылъхэр, шIухьафтынхэр аратыгъэх. (Тикорр.).