Къэбэртэе-Бэлъкъарым, Адыгэ Республикэм якъэралыгъо академи­че­скэ ансамблэхэу «Кабардинкэмрэ» «Налмэсымрэ» зэгъусэхэу Мые­къуапэ концерт къыщатыгъ.«Налмэсыр» зызэхащагъэр илъэс 85-рэ, къэралыгъо гъэпсы­кIэ иIэу Адыгеир зыпсэурэр илъэси 100 зэрэхъурэм афэгъэ­хьыгъэ пчыхьэзэхахьэм урысхэр, ермэлхэр, къэндзал­­хэр, адыгэ­хэр, фэшъхьаф лъэпкъ­хэр ашIогъэшIэгъонэу еплъыгъэх.

Ижъырэ адыгэ къашъоу «ЗэфакIор», «Адыгэ уджхэр», Кавказ щыпсэурэ лъэпкъхэм язэхэт къашъохэр, нэмыкIхэри зэкъош ансамблэхэм къызэдашIыгъэх.

«Зы бзэ, зы хабзэ, зы ­лъэпкъ» зыфиIорэ пчыхьэзэха­хьэу «Налмэсым» и Унэ щыкIуа­гъэр «Удж-хъураекIэ» аухыгъ, нэужым адыгэ джэгу ансамб­лэхэм зэхащагъ.

Адыгэ Республикэм и Премь­ер-министрэ игуадзэу Наталья Широковар, Адыгеим культу­рэмкIэ иминистрэу Аулъэ Юрэ, нэмыкI къэралыгъо IофышIэ- хэр, искусствэр зышIогъэшIэ­гъонхэр зэкъошхэм япчыхьэзэхахьэ еплъыгъэх.

ЕмтIылъ Нурбый.