УкI Iоф зэрихьагъэу егуцафэх
Мыекъопэ районым ит къутырэу Северо-Восточные Сады щыпсэурэ хъулъфыгъэу илъэс 45-рэ зыныбжьым укI Iоф зэрихьагъэу агъэмысэ.
Урысыем и Следственнэ комитет АдыгеимкIэ икъулыкъу Мыекъопэ районымкIэ иследственнэ отдел иследователь ащ мысагъэ филъэгъугъ. УФ-м и УК ия 105-рэ статьякIэ (укI Iоф) хъулъфыгъэр агъэмысэ.
Следствием зэригъэунэфыгъэмкIэ, мы илъэсым игъэтхэпэ мазэ и 15-м агъэмысэрэмрэ ащ инэIосэ бзылъфыгъэу илъэс 39-рэ зыныбжьымрэ азыфагу зэмызэгъыныгъэ къыдэхъухьагъ нэмыкI хъулъфыгъэ игъусагъэу къызэрэшIошIыгъэм ыпкъ къикIэу ыкIи ыукIынэу рихъухьагъ. Зигугъу къэтшIыгъэ къутырым иурамэу Садовэм тет унэм щыIэу псынкIэу къызкIэнэрэ зэхэгъэкIухьагъэр бзылъфыгъэм ащ тырикIи, кIигъэнагъ. ЫкIышъо зэрэстыгъэм ыпкъ къикIэу сымэджэщым бзылъфыгъэм ыпсэ щыхэкIыгъ.
Следователым илъэIукIэ хьыкумым бзэджэшIагъэ зезыхьагъэр ыгъэтIысыгъ.
Джырэ уахътэм уголовнэ IофымкIэ следственнэ ыкIи нэмыкI Iофыгъохэу хъугъэ-шIагъэм ушъхьагъу фэхъугъэхэр, зэрэзэрахьэгъэ шIыкIэр нахь игъэкIотыгъэу къызэхэзыфыщтхэр рагъэкIокIых.