Европэм футболымкIэ икIэух зэнэкъокъу хэлэжьэщт бзылъфыгъэ командэхэр пэшIорыгъэшъ ешIэгъухэм ащы­зэIокIэх.

Урысыем ибзылъфыгъэ хэшыпыкIыгъэ командэ пэшIорыгъэшъ ешIэгъуи 10 иIагъ. Нидерландхэм зэIукIэгъуитIури ахьыгъ.

Словением, Косово, Тыркуем, Эстонием ешIэгъуи 8 тикомандэ адыриIагъ, зэкIэми текIоныгъэр къашIуихьыгъ.

Нидерландхэм купым апэрэ чIыпIэр къыщыдахыгъ, Урысыер ятIонэрэ хъугъэ.

КIэух пэшIорыгъэшъ зэнэкъокъум Урысыер Португалием тIогъогогъо щыIукIагъ.

Португалиер — Урысыер — 0:1,

Урысыер — Португалиер — 0:0.

Урысыем икомандэ Европэм икIэух зэнэкъокъоу 2022-рэ илъэсым Англием щыкIощтым хэлэжьэнэу фитыныгъэ иIэ хъугъэ. Командэ 16 зэдешIэщт.

Хэгъэгум футболымкIэ ихэшыпы­кIыгъэ бзылъфыгъэ командэ итренер шъхьаIэр Юрий Красножан. Къэбэр­тэе-Бэлъкъарым Ю. Красножан къыщыхъугъ, «Спартак» Налщык, нэмыкI­хэм ятренер шъхьаIэу щытыгъ.

ТихэшыпыкIыгъэ бзылъфыгъэ командэ спортышхом гъэхъагъэхэр щишIынхэу фэтэIо.