Теуцожь районым щыпсэурэ хъулъфыгъэм амыгъэкощырэ имылъку телъытэгъэ хэбзэIахьым итынкIэ чIыфэу зэIуигъэкIагъэр къыпщыныжьыгъ.

Хьыкум приставхэм я Теуцожь меж­район къутамэ къыIэкIэхьэгъэ тхьапэм зэритхагъэмкIэ мылъкум телъытэгъэ хэбзэIахьыр игъом зэримытыгъэм къы­хэкIэу мы хъулъфыгъэм сомэ мини 100 чIыфэу зэIуигъэкIагъ. Ар къыдилъытэзэ хьыкум приставым Iоф къызэIуихыгъ.

ЧIыфэр къымыпщыныжьэу амыгъэкощырэ мылъкур ыгъэфедэн, зыгорэм тыритхэн е ыщэн зэрэфимытыр хъулъфыгъэм гурагъэIуагъ. Ащ къыхэкIыкIэ сомэ минишъэр къызэкIигъэкIожьыгъ, ащкIэ Iофыр зэфэшIыжьыгъэ хъугъэ.

Хьыкум приставхэм я Федеральнэ къулыкъу Адыгэ РеспубликэмкIэ и ГъэIорышIапIэ исайтэу «htt://r01.fssprus.ru/» зыфиIорэм шъуихьэмэ, чIыфэ шъутелъмэ, ар зэрэшъупщынын шъулъэкIыщтым епхыгъэ къэбар ижъугъотэщт.

Хьыкум приставхэм я Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу.