Адыгэ Республикэм ыкIи Пшызэ шъо­лъыр ащыпсэухэрэ быслъымэнхэм я Дин­дэлэжьапIэ НэкIмазэр къызэрихьагъэм фэ­гъэхьыгъэ мэкъэгъэIур мэлылъфэгъум и 13-м пчыхьэм къытыгъ.

Мазэм къыкIоцI быслъымэн диныр зылэжьыхэрэм нэкIыр аIыгъын фае, шхэхэ, псы ешъохэ хъущтхэп. НэкI­мэзэ мазэм икIыхьагъыщтыр мэфэ 29 — 30-рэ. Ар зэлъы­тыгъэр мазэм къытырэ мэфэпчъыр ары.

— Адыгэ Республикэм ыкIи Пшызэ шъолъыр ащыпсэухэрэ быслъымэнхэм я Дин­дэлэжьапIэ ыцIэкIэ ыкIи сэ сшъхьэкIэ агъэлъэпIэрэ НэкI­мэзэ мазэу Рамаданыр къызэрихьагъэм фэшI сафэгушIо. Мы мазэм Тхьэм уелъэ­IунымкIэ фэдэ щыIэп. Мы мазэр ары КъурIан лъапIэр къызехыгъэр, быслъымэнхэми нэкIыр зыщырагъажьэрэр. НэкIыр Ислъам диным ипкъэуитфымэ зэу ащыщ. Псауныгъэ пытэ шъуиIэу, нэ­кIыр зэрифэшъуашэу шъу­Iы­гъынымкIэ Алахьталэм кIуа­чIэ къышъуитынэу сышъуфэлъаIо, — еIо муфтиеу Къэр­дэнэ Аскэрбый.

— НэкIмазэм гукIэгъур, бэрэчэтыр, дэхагъэр хэлъ, гунахьым пэчыжьэ уешIы. ШIоу, псапэу цIыфым ышIэрэр мэбагъо. Iоф дахэу ешъухьыжьэхэрэм, сэдакъэу жъугощыхэрэм псапэу ахэлъыр къыжъунэсынэу, уз къышъулъымыIэсынэу, гумэкI шъуимыIэнэу, гъомы­лапхъэм шъущымыкIэнэу, шъуинэкIхэр, шъуинэмазхэр Тхьам къабыл шъуфишIынэу сышъуфэлъаIо,— къы-Iуагъ АР-м и ЛIышъхьэу КъумпIыл Мурат.