Урысые Федерацием и Кубок трекым къы­щы­дэхыгъэным фэгъэхьыгъэ зэIукIэгъухэр Мые­къуапэ щыкIуагъэх.

Хэгъэгум ишъолъыри 9-мэ къарыкIыгъэ бзылъфыгъэхэр гъо­гогъуи 2 кушъхьэфэчъэ спортым щызэнэкъокъугъэх.

Апэрэ мафэм ауж къинэхэрэр зэнэкъокъум хагъэкIыхэзэ, бзы­лъфыгъэхэм яIэпэIэсэныгъэ къа­гъэлъэгъуагъ. Москва щыпсэурэ Гульназ Хатунцевам апэрэ чIыпIэр къыдихыгъ. Адыгэ Респуб­ликэм ихэшыпыкIыгъэ командэ хэтэу Алена Рыцевам ятIонэрэ чIыпIэр къыхьыгъ. Новосибирскэ щыщэу Любовь Малервейн ящэ­нэрэ чIыпIэр фагъэшъошагъ.

Очко пчъагъэу къахьырэм елъытыгъэу спортсменкэхэр трекым зыщызэнэкъокъухэм, иIэпэ­IэсэныгъэкIэ икIэрыкIэу Гульназ Хатунцевар къахэщыгъ. Ды­шъэр ащ къыдихыгъ.

Адыгэ Республикэм ихэшы­пыкIыгъэ командэ ыцIэкIэ зэIу­кIэгъухэм ахэлэжьагъэхэм та­гъэ­гушIуагъ. Елизавета Арчи­басовам тыжьыныр къыдихыгъ, Гюнель Мехтиевам джэрзыр къы­фагъэшъошагъ.

Адыгэ Республикэм изаслуженнэ тренерэу Алексей Вой­новым тибзылъфыгъэхэр зэIукIэгъухэм афегъасэ.

— Зэнэкъокъухэм медальхэр къащыдэзыхыгъэхэм гъэзетымкIи тафэгушIо тшIоигъу, — къытиIуагъ АР-м кушъхьэфэчъэ спор­тымкIэ и Федерацие ипащэу Анатолий Лелюк.

Сурэтым итхэр: хагъэунэфыкIырэ чIыпIэхэр къыдэзыхы­гъэхэр.