2021-рэ илъэсыр къызихьагъэм щегъэжьагъэу Адыге­им сабый 846-рэ къыщыхъугъ. Ахэм ащыщэу 266-р ящэнэрэ е ащ къыкIэлъэкIох.

2020-рэ илъэсым щылэ мазэм и 1-м къыщегъэжьагъэу, унагъоу ящэнэрэ е ащ къыкIэлъыкIорэ сабый къызэрыхъухьагъэхэм илъэсищ охъуфэхэкIэ мазэ къэс ахъщэ тын къафэкIо.

Социальнэ е нэмыкI тын унагъом къыратми, ащ емылъытыгъэу ыпэкIэ зигугъу къэтшIыгъэ IэпыIэгъур къыфэкIощт.

АР-м IофшIэнымрэ социальнэ хэхъоныгъэмрэкIэ и Министерствэ бзылъфыгъэхэм ыкIи кIэлэцIыкIухэм яIофыгъохэмкIэ иотдел ипащэу Саида Стрикачевам къызэри­IуагъэмкIэ, мы тыныр къызIэкIа­гъэхьанэу нэбгырэ 1253-рэ къяо­лIагъ. Ахэм ащыщэу 1202-мэ тыныр афагъэнэфагъ.

Абрэдж Сэтэнай.