Къыхэлэжьэнхэу къяджэх
Кавказ заповедникым волонтер движениер зыщыIэр илъэс заулэ хъугъэ. Ащ гъэ къэс проектыкIэхэр щызэхащэх, зы лъэныкъомкIэ гупшысэрэ цIыфхэр щаугъоих, заповедникым зекIохэр нахь къеблэгъэнхэм фэIорышIэрэ шIыкIэ гъэнэфагъэхэр къаугупшысых. БлэкIыгъэ илъэсым нэбгырэ 300-м ехъу заповедникым IэпыIэгъу къыфэхъугъ.
Волонтер IэпыIэгъум къазгъыр пIыгъын закъор арэп хэхьэрэр, Кавказ заповедникым осэшхо афешIы акъылышIоу къяолIэрэ волонтерхэм, къадэIэпыIэным фэхьазыр купи яIэ хъугъэ. Къыхэгъэщыгъэн фае ащ хэтыр нахьыбэ зэрэхъурэр.
Джырэ уахътэ заповедникым гъэмэфэ зекIо уахътэм зыфигъэхьазырынэу ригъэжьагъ. Ащ къыхэкIэу шIоигъоныгъэ зиIэ пстэуми IэпыIэгъу афэхъунэу затхын алъэкIыщт. Осыр зэрэжъурэм елъытыгъэу зекIо лъагъохэм гъэцэкIэнхэр ащашIыщтых.
Заповедникым ипресс-къулыкъу къызэритырэмкIэ, 2021-рэ илъэсым Iофтхьабзэу зэхащэнэу агъэнэфагъэр бэ. Ахэм волонтерхэр къарагъэблэгъэщтых.
Абрэдж Сэтэнай.