Къатыбэу зэтет унэхэм къапыщылъ чIыгу Iахьхэм ягъэкIэжьын республикэм щылъагъэкIуатэ. «Iэрыфэгъу къэлэ щыIакIэр гъэпсыгъэныр» зыфиIорэ федеральнэ проектым ар къыдыхэлъытагъ.

IофшIэнхэр чанэу агъэцакIэх, непэрэ мафэм ехъулIэу унэхэм къапэIулъ чIыпIи 9-мэ IофшIэнхэр ащэкIох. ЗэкIэмкIи мы илъэсым щагу 25-рэ зэтырагъэ­псыхьанэу агъэнафэ.

Лъэсэу укъызэкIолIэщт, автомобильхэр зыдэбгъэуцущт чIыпIэхэм асфальт атыралъхьэ, площадкэхэм язэтегъэпсыхьан ыуж ихьагъэх.

АгъэкIэжьыщт площадкэхэр ежь къэлэдэсхэм къыхахыгъэх. IофшIэным къыдыхэлъытагъэу, кIэлэцIыкIу ыкIи спорт площадкэхэр, лъэсрыкIо гъогухэр, нэмыкIхэр зэтырагъэпсыхьащтых.