Урысыем гандболымкIэ изэнэкъокъоу суперлигэм щыкIорэм хэт бзылъфыгъэ командэхэм пэшIорыгъэшъ ешIэгъухэр аухыгъэх.

2020 – 2021-рэ илъэс зэнэ­къокъум командэ пэпчъ зэIукIэгъу 22-рэ иIагъ. «Ростов-Доным» зэкIэ иешIэгъухэм текIоныгъэр къащыдихыгъ, къэлап­чъэм Iэгуаор гъогогъу 731-рэ дидзагъ.

Гъэтхапэм и 31-м кIэух ешIэгъухэр хэгъэгум щыкIуагъэх.

КIэуххэр

«Динамо» — «Кубань» — 23:33-рэ, «Луч» — «Звезда» — 20:34-рэ, ЦСКА — Уфа-Алиса» — 38:7.

Зэтэгъапшэх

1. «Ростов-Дон» — 44 2. ЦСКА – 36 3. «Лада» — 36 4. «Астраханочка» — 30 5. «Звезда» — 30 6. «Кубань» — 28 7. «Ставрополье» — 16 8. «Университет» — 14 9. «АГУ-Адыиф» — 10 10. «Динамо» — 9 11. «Луч» — 6 12. «Уфа-Алиса» — 5.

Командэхэм чIыпIэу къыдахыгъэм елъытыгъэу зэIукIэгъухэр зэдыряIэщтых, медальхэм афэ­бэнэщтхэр шIэхэу къэлъэгъощтых. Мыекъопэ «Адыифым» иешIакIэ хигъахъозэ, ауж къинэхэрэм къа­хэкIыжьыным зэрэпылъым тегъэ­гушIо.