Лъэпкъ зэфыщытыкIэхэмкIэ Советым изэхэсыгъоу гъубджым щыIагъэм Урысые Федерацием и Президентэу Владимир Путиным «тые-ти­мыехэмкIэ» цIыфхэр зэхамыдзынхэу къыщиIуагъ.

Хэгъэгум ипащэ пшъэрылъ афишIыгъ IэкIыб къэралыгъохэм къарыкIыгъэхэм якIэлэ­цIыкIухэр Урысыем щыIа­кIэу илъым хэгъэгъозэгъэнхэмкIэ предложениехэр къахьынхэу, цIыфхэм якIэтхыкIыжьын кIо зы­хъукIэ яконституционнэ фиты­ныгъэхэр амыукъонхэу, лъэпкъэу зыщыщыр арагъэтхы зы­хъукIэ пэрыохъу афэмыхъунхэу, агу къазэрариIорэм тетэу цIыф­хэр мыщкIэ зекIонхэу. Президен­тым зэрэхигъэунэфыкIыгъэмкIэ, лъэпкъ зэгурымыIоныгъэхэу Iэ­кIыб къэралыгъохэм къащы­хъухэрэм яфэмэ-бжьымэ Урысыем къытырырагъахьэ хъущтэп. Урысыем ис лъэпкъхэм язэгурыIоныгъэ игъэпытэн зиIахьышIу хэзышIыхьэхэрэм сомэ миллио­нитфым нэсэу шIухьафтын зэраратыщтыр ащ къыIуагъ.

Лъэпкъ зэфэшъхьафхэм ялитературэрэ урысыбзэмрэ

Владимир Путиным лъэпкъ зэфыщытыкIэхэмкIэ Советым изэхэсыгъо зэрищагъ. Урысыем исхэм язэхэшIыкI зыкъегъэ­Iэтыгъэным, ахэр зы къэралыгъо зэрэщызэдэпсэухэрэр ыкIи зэгурыIоныгъэ пытэ азыфагу илъын зэрэфаер икъоу къагурыIоным япхыгъэ Iофыгъохэр ары анахьэу мыщ зыщытегущыIагъэхэр. «ТихэгъэгукIи, нэ­мыкI къэралыгъохэмкIи лъэпкъ зэгурыIоныгъэм игъэпытэн нахь Iофыгъо шъхьаIэ зи щыIэп», — къыхигъэщыгъ Президентым. МыщкIэ Америкэмрэ Европэм ихэгъэгухэмрэ Iофыгъо­хэр къа­зэращытэджыгъэхэми игугъу къышIыгъ.

Владимир Путиным тхылъ тедзэнымкIэ Урысые союзым ивице-президентэу Владимир Григорьевым, «Гуманитар те­дзапIэм» иредактор шъхьаIэу, игенеральнэ директорэу Максим Амелиным, Дмитрий Ицковичым Iофэу ашIагъэм осэшхо къыфишIыгъ. «Тхылъхэм яте­дзэнкIэ ахэм проектыкIэ къыхахыгъ, Урысыем щыпсэурэ лъэпкъхэм яджырэ литературэ иантологие бзэ зэфэшъхьаф­хэмкIэ къыдагъэкIыгъ. Урысыем