Къыблэ федеральнэ шъолъырым истуденческэ отрядхэм яфестиваль-­спартакиадэ мэлылъфэгъум и 9-м республикэм щызэхащэщт.

Iофтхьабзэр мэфищрэ кIощт. Къыблэ федеральнэ шъолъырымкIэ «Российские студенческие отряды» зыфиIорэм иобщественнэ организацие хэтхэр, апшъэрэ ыкIи гурыт сэнэхьат зэзыгъэгъотырэ студентхэр ащ къекIолIэщтых.

Сэнаущыгъэ зыхэлъ сту­дентхэр къыхэгъэщыгъэнхэр, ахэм яшIэныгъэхэм ахэгъэ­хъо­гъэныр ары пшъэрылъ шъхьа­Iэу зэхэщакIохэм зыфагъэуцужьырэр.

Iофтхьабзэм къыдыхэлъытагъэу къыткIэхъухьэрэ лIэужхэм яхэгъэгу шIу алъэгъуным, студенческэ купхэм зягъэушъом­бгъугъэным фэгъэхьыгъэ зэIу­кIэхэр, Iэнэ-хъураехэр зэхащэщтых, тематическэ квестэу «Ру­фабгъор», интеллектуальнэ джэгукIэу «Что? Где? Когда?» зыфиIорэр ыкIи нэмыкIхэр щыIэщтых.

Къыблэ федеральнэ шъолъырымкIэ анахь шIэныгъэ ин зиIэхэр къыхагъэщыщтых, ахэр студенческэ отрядхэм апае зэхащэщт Урысые спартакиадэм хэлэжьэщтых.