Мэлылъфэгъум и 1-р — сэмэркъэум и Маф
ЦСКА-р Мыекъуапэ щешIэщт
Ивица Олич футбол клубэу ЦСКА Москва итренер шъхьаIэу загъэнафэм, апэрэхэм ащыщэу гъэзетэу «Адыгэ макъэр» фэгушIуагъ.
Адыгеим щыщ нэбгырабэ ЦСКА-м зэрэфэгумэкIырэр, нарт шъаоу Натхъо Бибарс илъэсыбэрэ клубым зэрэщешIагъэр И. Олич ешIэ.
Цыхьэ къыфэзышIыгъэхэм, къыфэгушIуагъэхэм И. Олич лъэшэу афэраз. Футболым нахь зегъэушъомбгъугъэным, хэгъэгум ишъолъырхэм нахьыбэрэ алъыIэсыным ЦСКА-м итренер шъхьаIэ пылъыщт. ЦСКА-м ныбджэгъу ешIэгъухэр зэхищэщтых.
Апэрэ зэIукIэгъур Мыекъуапэ щыкIощтэу, «Зэкъошныгъэм» дешIэщтэу къэбар зэхэтхыгъэ – зэIукIэгъур зыщыIэщт мафэр загъэунэфыкIэ гъэзетеджэхэр щыдгъэгъозэщтых. ЦСКА-м иешIэгъу Мыекъуапэ гъэшIэгъонэу щыкIощтэу тэгугъэ.
США-м къикIыщтых
Мыекъуапэ къыщыхъугъэ Никита Кучеровыр хоккеим щыцIэрыIу. ЦСКА-м ар хэтыгъ, джырэ уахътэ США-м икомандэ щешIэ.
Н. Кучеровыр Адыгеим хоккей ешIапIэ иIэ зэрэхъугъэм фэшI республикэм и ЛIышъхьэу КъумпIыл Мурат шIуфэс тхылъ къыфигъэхьыгъ.
Никита Кучеровым США-м, ЦСКА-м яхоккей ешIэкIо цIэрыIохэр игъусэхэу Мыекъуапэ къэкIон имурад. ХоккеимкIэ ныбджэгъу ешIэгъухэр тикъалэ щызэхащэщтых, кIэлэеджакIохэм спортым щыцIэрыIохэр аIукIэщтых.