Республикэм ит тучанхэм ащыщ шым тес хъулъфыгъэр зэрэчIэхьагъэр зэрыт видеор Интернетым мы мафэхэм къырагъэхьагъ.

Урысыем хэгъэгу кIоцI IофхэмкIэ и Министерствэ иотделэу Мыекъопэ районым щыIэм икъулыкъушIэхэр мы Iофым изэхэфын ыуж ихьагъэх. ЗэрагъэунэфыгъэмкIэ, гъэтхапэм и 23-м Мыекъо­пэ районым ит тучаным илъэс 45-рэ зыныбжь хъулъфыгъэр шым тесэу чIэхьагъ. Ащ Iоф щызышIэхэрэм, чIэтыгъэ цIыфхэм гущыIэгъу афэхъугъэх.

Полицием иучастковэ уполномоченнэр хъулъфыгъэм дэгущы­Iагъ, изекIуакIэ зэрэмытэрэзыр гуригъэIуагъ.

АР-м хэгъэгу кIоцI IофхэмкIэ и Министерствэ ипресс-къулыкъу къызэритыгъэмкIэ, уплъэкIунхэр джыри лъагъэкIуатэ. Мыекъопэ районым щыщ хъулъфыгъэм изекIуакIэ правовой уасэ фашIыщт.

(Тикорр.).