Урысыем илъэпкъ гвардие къулыкъу щызыхьыхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIымкIэ тышъуфэгушIо!

Хэгъэгум икIэгъэкъон пытэу щыт Росгвардиер анахьэу зыфэгъэзагъэр цIыфхэм щынэгъончъагъэ яIэныр, къэралыгъомрэ цIыфхэмрэ яфедэхэр къэгъэгъу­нэгъэнхэр, хэгъэгумкIэ мэхьанэшхо зиIэ псэуалъэхэр, хабзэр къэухъумэгъэнхэр ары.

Урысые Федерацием илъэпкъ гвардие идзэхэм я Федеральнэ къулыкъу Адыгэ РеспубликэмкIэ и ГъэIорышIапIэ ипащэхэми, нэмыкI IофышIэхэми мы мафэм тхьашъуегъэпсэу ятэIо еIолIэнчъэу якъулыкъу зэрахьырэм, лIыгъэшхо зэрахэлъым, къыха­хыгъэ Iофым зэрэфэшъыпкъэ­хэм афэшI.

Росгвардием хэтхэм яIоф хэшIыкIышхо зэрэфыряIэм, пшъэдэкIыжь зэрахьырэр икъоу къазэрагурыIорэм тицыхьэ тырегъэлъы пшъэрылъэу къафашIыхэрэр гъэхъагъэ хэлъэу тапэкIи ахэм зэрагъэцэкIэщтхэм, общественнэ-политикэ зыпкъитыныгъэр Адыгэ Респуб­ликэм къыщыгъэгъунэгъэным, цIыфхэм ярэхьатныгъэ икъэухъу­мэн яIахьышхо зэрахашIыхьащтым.

Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, мамырэу шъущы­Iэнэу, шъуикъулыкъу гъэ­хъэгъакIэхэр щышъушIынэу, шIоу щыIэр зэкIэ къыжъудэхъунэу тышъуфэлъаIо!

Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет – Хасэм и Тхьаматэу Владимир Нарожный