Гъэтхапэм и 26-м къыщегъэжьагъэу и 28-м нэс шъолъыр студен­ческэ Iофтхьабзэу «Ошъутен» зыфиIорэр Адыгэ къэралыгъо уни­версите­тым щыкIощт.

Ар гъэсэныгъэ проектэу, Адыгэ Республикэм ис студентхэм ятворчествэ, ясоциальнэ ыкIи нэмыкI лъэныкъо­хэмкIэ сэнаущыгъэу ахэлъым ахэгъэхъогъэным фытегъэ­псыхьагъэу щыт.

Проектым пшъэрылъ шъхьа­Iэу иIэр ныбжьыкIэхэм шIэныгъэу яIэм хагъэхъон, опытэу аIэкIэлъымкIэ зэдэгощэнхэ амал яIэныр ары.

Илъэс 16-м къыщегъэжьагъэу 30-м нэс зыныбжь студентхэр Iофтхьабзэм хэлэ­жьэнхэ алъэкIыщт. Мыщ къыдыхэлъытагъэу лъэныкъуиплIыкIэ студентхэм егъэджэнхэр акIущт.

Программэм хэтыщтых егъэ­джэн сыхьатхэр, джэгукIэ зэ­фэшъхьафхэр, экспертхэм аIу­кIэнхэр ыкIи гущыIэгъу афэ­хъунхэр, нэмыкIхэри.

ЕджапIэм кIэщакIо фэхъугъэх Адыгэ къэралыгъо университетымрэ Урысые общест­веннэ организацием и Адыгэ шъолъыр организациеу «Урысыем и НыбжьыкIэхэм я Со­юз» зыфиIорэмрэ.

Абрэдж Сэтэнай.