Партиеу «Единэ Россием» и Тхьаматэу Д. А. Медведевым и Адыгэ шъолъыр общественнэ приемнэрэ партием ичIыпIэ общественнэ приемнэхэмрэ дачэ, чъыгхэтэлэжь товариществэхэм яIофыгъохэмкIэ цIыфхэр гъэтхапэм и 29-м къыщегъэжьагъэу мэлылъфэгъум и 2-м нэс ащарагъэблэгъэщтых.

Къэралыгъо Думэм идепу­татхэр, сенаторхэр, АР-м и Къэралыгъо Совет — Хасэм, республикэм имуниципальнэ образованиехэм янароднэ депутатхэм я Советхэм, «Единэ Россием» ядепутатхэр, фе­деральнэ партийнэ проектэу «Российское село» зыфиIорэм АдыгеимкIэ икоординатор, гъэцэкIэкIо хабзэм икъулыкъухэмрэ ведомствэхэмрэ ялIыкIохэр ахэм ахэлэжьэщтых. ПэIудзыгъэ шIыкIэм тетэу зыгъэгумэкIырэ Iофы­гъохэр цIыфхэм къафызэха­фыщтых.

Iофтхьабзэр зэхэзыщэхэрэр Урысыем ичъыгхэтэлэжьхэм я Союз, къэралыгъо мылъкум игъэзекIонкIэ Федеральнэ агентствэр, Россельхознадзорыр ары. Iофтхьабзэм хэлажьэ зышIоигъохэм электрон почтэу «op@adygei.er.ru» зыфиIорэр, «линие плъырым» ителефонхэу 8(8772)52-76-02-р, 8(8772)52-76-03-р къызфагъэфедэн алъэ­кIыщт.

Мафэ къэс сыхьатыр 10-м къыщегъэжьагъэу 17-м нэс Iоф ашIэщт, сыхьатыр 13-м къыщегъэжьагъэу 14-м нэс язэ­пыугъо уахът. Шэмбэтымрэ тхьау­ма­фэмрэ языгъэпсэ­фыгъо мафэх.