Гъэтхапэм и 25-р — культурэм иIофышIэ и Маф
Адыгэ Республикэм культурэмкIэ иIофышIэхэу лъытэныгъэ зыфэтшIыхэрэр!
Ныбджэгъу лъапIэхэр!
Шъуисэнэхьат епхыгъэ мэфэкIымкIэ тышъуфэгушIо!
ЛIэшIэгъу пчъагъэхэм къакIоцI лъэпкъ зэфэшъхьафхэм аугъоигъэ культурэ кIэныр къызэтегъэнэжьыгъэныр сыдигъуи анахь пшъэрылъышхохэм ащыщыгъ. Культурэр ары цIыфымрэ обществэмрэ пытэу зэзыпхырэр, ахэм яхэхъоныгъэрэ языкIыныгъэрэ афэлажьэрэр. Культурэм иIофышIэхэм зышъхьамысыжьхэу мафэ къэс Iоф зэрашIэрэм ишIуагъэкIэ культурэ политикэр гъэхъагъэ хэлъэу республикэм щыпхыращы, тиобществэ игушъхьэлэжь байныгъэ къызэтырагъэнэжьы ыкIи хэхъоныгъэ рагъэшIы, зишIэ шIэгъошIу кIэлэцIыкIухэмрэ ныбжьыкIэхэмрэ къыхагъэщых, ахэм IэпыIэгъу афэхъух, искусствэм зырагъэушъомбгъу, лъэпкъ шэн-хабзэхэр къагъэгъунэх, шъолъыр, дунэе культурэ зэпхыныгъэхэр агъэпытэх, цIыфхэр жъугъэу зыхэлэжьэрэ Iофтхьэбзэ гъэшIэгъоныбэ зэхащэ.
Адыгеир тарихъ, культурэ кIэн баеу иIэм лъэшэу рэгушхо. ЗиIоф гуетыныгъэшхо фызиIэ творческэ цIыфхэм тиреспубликэ щыпсэухэрэр дэхагъэм хэщэгъэнхэмкIэ, дунаим тет цIыф лъэпкъ зэфэшъхьафхэм яшэн-хабзэхэр нахь дэгъоу ашIэнхэмкIэ, ныбжьыкIэхэр шэпхъэ дахэхэм атетэу пIугъэнхэмкIэ, тятэжъхэм якIэн бай къэухъумэгъэнымкIэ мафэ къэс Iофышхо ашIэ.
Культурэм иIофышIэхэм опытышхоу аIэкIэлъ хъугъэр къызфагъэфедэзэ, Адыгеим икультурэ кIэн къэухъумэгъэнымкIэ, цIыф жъугъэхэр нахь чанэу культурэ Iофтхьабзэхэм ахэгъэлэжьэгъэнхэмкIэ, искусствэм илъэпкъ пстэуми хэхъоныгъэ ягъэшIыгъэнымкIэ афэлъэкIырэр зэкIэ тапэкIи зэрашIэщтым тицыхьэ телъ.
Ныбджэгъу лъапIэхэр, псауныгъэ пытэ, щыIэкIэшIу шъуиIэнэу, шъуиIофшIэн гъэхъэгъакIэхэр щышъушIынэу, шIоу щыIэр зэкIэ къыжъудэхъунэу тышъуфэлъаIо!
Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет —Хасэм и Тхьаматэу Владимир Нарожный