БлэкIыгъэ 2020-рэ илъэсым къыщыублагъэу унагъоу апэ­рэ сабыир къызэрыхъухьагъэхэм ны мылъкур къараты.

А илъэсым ыкIи джы тызыхэтым пыкIыгъэм Адыгеим щыпсэоу унэгъо 1410-мэ ащ фэдэ къэралыгъо IэпыIэгъу агъотыгъ.

2021-рэ илъэсым ищылэ мазэ и 1-м къыщегъэжьагъэу ны мылъкур сомэ 483881,8-рэ хъугъэ. Апэрэ сабыир къызэрыхъухьэгъэ унагъоу ар къызэратыгъэхэм псэукIэ амалэу яIэр нахьышIу шIыгъэным, кIэлэцIыкIум иеджэн, кIэлэцIыкIу IыгъыпIэм зэрэ­чIэсыри хэтэу, ным ипенсие зыщызэIукIэрэм е сабыеу сэкъатныгъэ зиIэр социальнэу щыIэныгъэм хэгъэгъозэгъэным пэIуагъэхьан фитых.

КIэлэцIыкIум ыныбжь илъэси 3 зикъукIэ ны мылъкур агъэфедэн алъэ­кIыщт, ау… ГущыIэм пае, унагъом псэукIэ амалэу иIэр нахьышIу шIыгъэным пае банкым чIыфэ къы­Iихынэу, ащ ежь иIахь хилъхьащтымэ е къыIихыгъахэр ыпщыныжьыщтымэ, кIэлэцIыкIу Iыгъы­пIэм ыпкIэ ытын фаемэ е сэкъатныгъэ зиIэ сабыим ихэгъэгъозэн ищыкIагъэхэр къыщэфыщтмэ ны мылъкур къызэратыгъэм тетэу ыгъэфедэн фит.

2020-рэ илъэсым къыщыублагъэу мы IэпыIэ­гъур бгъэпсыным пае лъэIу тхы­лъыр птын ищыкIэ­гъэжьэп. ЗАГС-м къэбарэу ПенсиехэмкIэ фондым къылъигъэIэсыгъэм къыпкъырыкIыхэзэ, ащ испе­циалистхэм тхылъхэр агъэ­хьазырых. Нэужым къэралыгъо фэIо-фашIэхэм япортал е фондым иинтернет нэкIубгъо ным е тым щагъэпсыгъэ «унэе кабинетым» сертификатыр рагъахьэ.

Шъугу къэдгъэкIыжьын, ны мылъкум фэгъэхьыгъэ программэм 2026-рэ илъэсым итыгъэгъазэ и 31-м нэс кIуачIэ иIэщт.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу