Адыгэ Республикэм мэзхэмкIэ и ГъэIорышIапIэ къызэрэ­щаIуагъэмкIэ, 2021-рэ илъэсым къыщегъэжьагъэу мэ­зыр агъэкIэжьыным фытегъэпсыхьэгъэ Iофтхьабзэхэр зэ­ха­щэщтых. Илъэс къэс гектар 30 мэзхэм ахагъэхъонэу агъэнафэ. — Мэзхэр къызэрэтыухъумэщтым дакIоу жъы хъугъэ чъыгхэр итыуп­кIыщтых. НахьыбэрэмкIэ кIымафэм, хэушъхьафы­кIыгъэ техникэр къыз­фэдгъэфедэзэ чъыгхэм яиупкIын епхыгъэ IофшIэнхэр зэшIотэхых, — къыщаIуагъ АР-м мэзхэмкIэ и ГъэIорышIапIэ.

ГъэIорышIапIэм ипащэ игуадзэу С. Л. Гавришовым къызэрэхигъэщы­гъэмкIэ, мэзхэр зэтегъэуцожьыгъэнхэм фэшI чъыг чIыкIухэм ягъэтIысын мэ­хьанэшхо иI.

Лъэпкъ проектэу «Экологием» къыдыхэлъытэгъэ программэу «Мэзхэр къэу­хъумэгъэнхэр» зыфиIорэм 2024-рэ илъэсым нэс икъэ­гъэлъэгъон шъхьаIэу щытын фаер чъыгэу рауп­кIыгъэмрэ агъэтIысыгъэм­рэ зэфэдизын хъуным къы­фэкIогъэныр ары.

Абрэдж Сэтэнай.