Хэгъэгум волейболымкIэ изэнэкъокъу хэлэжьэрэ хъулъфыгъэ командэхэу апшъэрэ купэу «Б-м» хэтхэм яешIэгъухэр Мыекъуапэ щыкIуагъэх.

Воронеж, Ростов-на-Дону, Краснодар краим, Мыекъуапэ яволейбол командэхэр я 10-рэ къекIокIыгъом тIорытIо щызэде­шIагъэх.

ЗэIукIэгъухэр

«Динамо-МГТУ-м» изэIукIэгъухэр къыхэтэгъэщых. «Динамо-МГТУ» — ЦОП Краснодар край — 3:0 (25:19, 25:20, 25:16). «Динамо-МГТУ» — «Кристалл» Воронеж — 3:0 (29:27, 25:20, 25:20). «Динамо-МГТУ» — «Рос­тов-Волей» — 3:0 (25:22, 25:20, 25:16).

— Апшъэрэ купым пэшIорыгъэшъ ешIэгъухэр щытыухыгъэх, — къытиIуагъ Мыекъопэ «Ди­намо-МГТУ-м» итренер шъхьа- Iэу, Адыгэ Республикэм иза­служеннэ тренерэу Павел Зборовскэм. — Зэнэкъокъур зэкIэми аухыгъэгоп. ПэшIорыгъэшъ ешIэгъухэм Воронеж, Къыблэ Сахалин якомандэхэр зэраще­шIэщтхэм ялъытыгъэр бэ.

ЧIыпIэхэр

1. «Волжанин» — 90 2. «Динамо» Иж — 79 3. «Динамо-МГТУ» — 70 4. «Кристалл» — 69 5. «Элварт» Къ.-С. — 59 6. «Дагъыстан» — 54 7. «Тюмень» — 31 8. «Ростов-Волей» — 29 9. ЦОП — 12 10. «Грозный-2» — 11.

Гугъэр чIэтынэрэп

Волейболым шэпхъэ хэхыгъэ­хэр иIэх. Командэм очко пчъагъэу къыдихыгъэм изакъоп апэу къыдалъытэрэр. Анахьэу къыхагъэщырэр текIоныгъэр къызэрихьыгъэм ипчъагъ.

«Динамо-МГТУ-м» текIоныгъэр 24-рэ къыдихыгъ, «Крис­таллым» 23-рэ, «Элвари» — 20.

«Элвари» Воронеж, Ростов­-на-Дону, Грознэм якомандэхэм тIорытIо адешIэщт. ТекIоныгъэр къызэрихьыщт пчъагъэм елъытыгъ чIыпIэу къыдихыщтыр. «Кристаллыр» «Динамо-МГТУ-м» ыпэ ишъыщтэу тэлъытэми, «Элвари» ешIакIэу къыгъэлъэгъо- щтыр тшIэрэп.

Арэу щытми, апшъэрэ купым апэрэ чIыпIи 4-р къыдэзыхыщтмэ Мыекъуапэ иешIакIохэр ащыщ хъущтхэу тэгугъэ. Команди 4-р ары медальхэм афэбэнэн зы­лъэкIыщтыр.

Мэлылъфэгъу мазэм и 1 — 5-м Воронеж, Грознэм, Къ.-Сахалин, Ростов-на-Дону якомандэхэр зэдешIэщтых. «Динамо-МГТУ-м» тыфэгумэкIызэ, гугъэр чIэтымынэу къэбархэм тяжэщт.