Гъэтхапэм и 24-м жъэгъэузым пэшIуекIогъэным и Дунэе мафэ хагъэунэфыкIы. Адыгэ Республикэм псауныгъэр къэухъумэгъэнымкIэ и Министерствэ къызэрэщаIуагъэмкIэ, 2020-рэ илъэсым Адыгеим мы узыр нэбгыри 102-мэ къяутэкIыгъ. 2019-рэ илъэсым егъэпшагъэмэ, а пчъагъэр процент 34,1-кIэ нахь макI.

— Жъэгъэузыр обществэм исоциальнэ гумэкIыгъоу щыт, медицинэм иIофышIэхэм язакъоу мыр къагъэуцун алъэкIыщтэп. ЦIыф пэпчъ жъэгъэузым фэгъэхьыгъэ къэбарым, ащ узэрэпэшIуекIощтым щыгъозэн ыкIи шIэныгъэу IэкIэлъхэр мафэ къэс щыIэныгъэм щигъэфедэнхэ фае, — къыIуагъ жъэгъэузым пэуцужьыгъэнымкIэ республикэ диспансерым иврач шъхьаIэу Мамый Нурбый.

Абрэдж Сэтэнай. Сурэтыр Iэшъынэ Аслъан тырихыгъ.