Джа цIэр зиIэ пэшIорыгъэшъ Iофтхьабзэ Теуцожь райо­ным игъогу инспекторхэм рагъэкIокIыгъ.

Щынэгъончъэу гъогум ыкIи транспортым зызэ­рэщагъэпсыщтым фэгъэ­хьыгъэ къэбарыр еджэпIэ автобусхэм акIоцI нэры­лъэ­гъу щафэпшIымэ ишIуа­гъэ къэкIонэу алъытагъ.

Ащ диштэу кIэлэцIыкIу­хэм язещэн шапхъэхэм адиштэным пае Iофтхьа­бзэу «Щынэгъончъэ автобусыр» зэхащагъ. ЕджапIэм нэсыфэхэ щынэгъончъэ бгырыпхымкIэ ипхы­хьэгъэнхэу зэрэщытыр, къэтэджыхэ зэрэмыхъущтыр кIэлэеджакIохэм къа­фаIотагъ.

ЕджэпIэ автобусхэм къэбар гъэшIэгъонэу апы­лъыр инспекторхэм къа­Iотагъ. ГущыIэм пае, ащ ышъо гъожьэу зыкIашIыгъэр нэм къыкIидзэу гъэ­псыгъэным пай. мыщ кIэ­лэеджа­кIохэм ыкIи кIэ­­лэегъа­джэхэм анэмыкI рызекIонхэ фитэп.

Iофтхьабзэм къыдыхэлъытагъэу, ныбжьыкIэ цIы­кIухэр еджапIэм нэсыфэхэ гъогу тамыгъэхэм ямэхьанэ агу къагъэкIы­жьыгъ.

Гъогур щынэгъончъэн зэрэфаер зэрытхэгъэ тхьа­пэхэр автобус тIысыпIэхэм акIыб атырагъэпкIагъэх. Мафэ къэс еджапIэм нэсыфэхэ кIэлэцIыкIухэм ахэр агу къагъэ­кIыжьыщтых.

КIэлэеджакIохэр щынэгъончъэу зэрэзэращэщт шIыкIэм фэгъэхьыгъэ зэ­дэгущыIэгъухэр автобус­хэм яводительхэми ада­шIыгъэх.