ГъогурыкIоным хэлэжьэрэ кIэлэцIыкIухэм ящынэгъончъагъэ къэухъумэгъэным сыдигъуи мэхьанэшхо раты.

Республикэм иинспекторхэм гъэсэныгъэм иучреждениехэм ялIыкIохэр ягъусэхэу ащ фэIорышIэрэ Iофтхьабзэхэр зэпымыоу зэхащэх.

БэмышIэу Мыекъуапэ икIэлэцIыкIу IыгъыпIэхэм ащыщ гъогурыкIоныр щы­нэгъончъэным фэIоры­шIэрэ мэфэкI Iофтхьабзэ ныбжьыкIэ цIыкIухэм апае рагъэкIокIыгъ.

Гъогум щынэгъончъэу зэрэщызекIощтхэ шIыкIэ­хэр яцIыкIугъом къыще­гъэжьагъэу ябгъэшIэн фае. ГъогурыкIоным ишап­хъэ­хэр нахьыжъхэми кIэлэцIыкIухэми апае зы бзэкIэ тхыгъэ, гупшысэ шъхьа­Iэу ащ хэлъыр зэ­хъокIырэп. Арышъ, кIэлэпIухэми, ны-тыхэми, къулыкъушIэхэми апашъхьэ пшъэрылъэу щытыр зы — гъогурыкIоным ишап­хъэхэр зэхэугуфыкIыгъэу къафаIотэныр ыкIи ахэр замыгъэцакIэхэкIэ, щынагъоу къыздихьын ылъэ­кIыщтыр агурагъэIоныр ары.

ПэшIорыгъэшъ Iофтхьабзэу «Азбука безопас­ности дорожного движения» зыфиIорэр джэгукIэ шIыкIэм илъэу кIэлэцIыкIу IыгъыпIэм чIэсхэм афызэхащагъ. Инспекторхэр сабыйхэм ягъусэхэу лъэс­рыкIо гъогу зэпыры­кIы­пIэр шапхъэхэм атетэу зэпачыгъ, гъогу тамыгъэ­хэм къарыкIырэр, ямэхьанэ къафаIотагъ.

Мы зэIукIэгъум кIэлэцIыкIухэм гушIуагъо ха­гъотагъ ыкIи шIокI имыIэу шапхъэхэр агъэцэкIэнхэу зэхэщакIохэр къагъэгугъагъэх.

Iофтхьабзэм икIэух по­лицейскэхэм къагъэхьа­зырыгъэ шIухьафтынхэу гъогурыкIоным ишапхъэ­хэм афэгъэхьыгъэ сурэт гъэлэнхэр ыкIи нэфынэр къэзытырэ пкъыгъохэр сабыйхэм аратыгъэх.