Гъэтхапэм и 23-р — Урысыем гидрометеорологиемкIэ икъулыкъу иIофышIэ и Маф
Адыгэ Республикэм гидрометеорологиемкIэ икъулыкъу иIофышIэхэу, иветеранхэу лъытэныгъэ зыфэтшIыхэрэр!
ГидрометеорологиемкIэ къулыкъум иIофышIэ и Мафэ фэшI тыгу къыддеIэу тышъуфэгушIо!
ЦIыфым ищыIэныгъэ къэзыуцухьэрэ дунаим изытет лъэшэу зэрепхыгъэм елъытыгъэу чIыопсыри зыфэдэщтымкIэ гидрометеорологхэм пэшIорыгъэшъэу къатырэ къэбархэм сыдигъуи фэмыдэу непэ мэхьанэшхо яI. Ахэм яшIуагъэкIэ экономикэм иотраслэхэм IофшIэныр зыпкъ итэу зэхащэн алъэкIы, цIыфхэм ящынэгъончъагъэ, хэгъэгум хэхъоныгъэ егъэшIыгъэным ахэр фэIорышIэх.
ЧIыопсым изытет зыфэдэщтыр, ар зэхъокIыщтмэ е зэмыхъокIыщтмэ пэшIорыгъэшъэу къэзышIэн зылъэкIыхэрэр шIэныгъэ икъу зиIэхэр ары. 1926-рэ илъэсым къыщегъэжьагъэу метеорологиемкIэ къэралыгъо къулыкъум Адыгеим Iоф щешIэ. Росгидрометым гидрометеорологиемкIэ ыкIи тыкъэзыуцухьэрэ дунаим имониторингкIэ и Гупчэ ар хагъэхьажьыгъ. Къулыкъум зыпкъ итэу непэ хэхъоныгъэ ешIы. Гупчэм илэжьакIохэм IэпэIэсэныгъэшхо зэрахэлъым ишIуагъэкIэ илъэс къэс иIофхэр нахьышIоу зэпэфэх, хэгъэгум гидрометеорологиемкIэ икъулыкъу джырэ уахътэм диштэу гъэпсыгъэным ишъыпкъэу дэлажьэ.
Ясэнэхьат епхыгъэ мэфэкIыр зыщыхагъэунэфыкIырэ мафэм гидрометеорологиемкIэ къулыкъум иIофышIэхэу, иветеранхэу ащ хэхъоныгъэ езыгъэшIыгъэхэм лъэшэу тызэрафэразэр ятэIо.
Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, Адыгеимрэ Урысыемрэ яфедэ шъуфэлажьэзэ, шъуиIофшIэн гъэхъэгъакIэхэр щышъушIынэу шъуфэтэIо!
Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет – Хасэм и Тхьаматэу Владимир Нарожный