ЦIыфхэр ригъэблэгъагъэх

УФ-м ПенсиехэмкIэ ифонд и Къутамэу АР-м щыIэм ипащэу МэщлIэкъо Хьамидэ блэкIыгъэ тхьамафэм Мыекъопэ районым щыIэу цIыфхэр ригъэблэгъагъэх. Пенсиехэм, кIэлэцIыкIухэм апае ахъщэ тынхэм ягъэнэфэн, ахэр къызэраIэкIэхьащтхэр, IофшIапIэм къыIукIыжьыгъэхэм япенсиехэм якIэлъытыкIыжьын анахьэу цIыфхэр зыгъэгумэкIыщтыгъэхэр. ЗэкIэ къекIолIагъэхэм яупчIэхэм яджэуапхэр агъотыгъэх, зищыкIагъэми IэпыIэгъу ратыгъ. Къутамэм ипащэ къыкIэлъыкIорэ егъэблэгъэгъур мэлылъфэгъум и 15-м Красногвардейскэ районым щызэхищэщт. УФ-м ПенсиехэмкIэ ифонд и Къутамэу АР-м щыIэм ипресс-къулыкъу.