Адыгэ Республикэм и Къэралыгъо Совет — Хасэм ия 60-рэ зэхэсыгъо 2021-рэ илъэсым гъэтхапэм и 24-м щыIэщт.

Зэхэсыгъом зыщахэплъэщтхэм мыщ къыкIэлъыкIохэрэр ахагъэ­хьагъэх: законопроектэу «Адыгэ Республикэм и Законэу «МашIом зыкъымыштэнымкIэ амалхэр ­Ады­гэ Республикэм щызехьэгъэн­хэм ехьылIагъ» зыфиIорэм зэхъо­кIыныгъэхэр фэшIыгъэнхэм фэ­гъэхьыгъэм» ятIонэрэу хэплъэ­гъэныр; законопроектхэу «Адыгэ Республикэм изаконхэу «Административнэ хэбзэукъоныгъэхэм яхьылIагъ», «2021-рэ илъэсымкIэ ыкIи 2022-рэ, 2023-рэ илъэсхэм ячэзыу пIалъэкIэ Адыгэ Респуб­ликэм иреспубликэ бюджет ехьы­лIагъ», «Адыгэ Республикэм иныбжьыкIэхэм къэралыгъо Iэпы­Iэгъу ягъэгъотыгъэным ехьылIагъ», «Сатыу хэмытэу бэджэндэу чIы­гу Iахьхэр зафыратырэ социальнэ-культурэ, коммунальнэ псэуа­лъэхэмкIэ, инвестиционнэ проектышхохэмкIэ шапхъэу щыIэхэм яхьылIагъ» зыфиIохэрэм зэхъокIы­ныгъэхэр афэшIыгъэнхэм афэгъэ­хьыгъэхэм» апэрэу ахэплъэгъэныр ыкIи нэмыкI Iофыгъохэр.

Жуковскэм иурам тет унэу N 22-м хэт залышхоу зэхэсыгъо­хэр зыщызэхащэрэм сыхьатыр 10.00-м Iофтхьабзэр щаублэщт.

Адыгэ Республикэм и Къэралыгъо Совет — Хасэм и Тхьаматэу Владимир Нарожный