Гъэтхапэм и 21-м адыгэхэм я ИлъэсыкIэ фэгъэ­хьы­гъэ мэфэкI зэхахьэхэр республикэм щыкIощтых.

Адыгэ Республикэм культурэмкIэ и Министерствэ, республикэм лъэпкъ культурэмкIэ и Гупчэ, рес­публикэ общественнэ движениеу Адыгэ Хасэр ИлъэсыкIэ зэхахьэу IофшIапIэу «НАН-м» щыкIощтым хэлэжьэщтых.

— Театрализованнэ пычыгъохэр артистхэм къашIыщтых, орэд къаIощт, къэшъощтых, — къытаIуагъ зэхэщэкIо купым хэтхэу Бадый Къэплъанрэ ЛIымыщэкъо Рэмэзанрэ. — Ижъырэ адыгэ шэн-зекIуакIэхэм къафэдгъэзэжьзэ, лъэхъаным диштэрэ къэгъэлъэгъонхэр гъэшIэгъон хъущтхэу тэлъытэ.

Гъэтхапэм и 21-м, мафэм сыхьатыр 12-м псэупIэу Хьакъунае (Гавердовский) дэт IофшIапIэу Нэ­гъуцу Аслъан зипащэм мэфэкIыр щырагъэжьэщт.