Европэм ичемпионхэм якуп щызэнэкъокъухэрэ гандбол бзылъфыгъэ клубхэу финалым и 1/8-м хэхьагъэхэм язичэзыу ешIэгъухэм «Ростов-Доныр» ахэлэжьагъ.

Хорватием иклубэу «Подравка» зыфиIорэм зыдешIэм, 29:20-у текIуагъ. «Ростов-Доным» иешIакIохэу Юлия Манагаровамрэ Полина Кузнецовамрэ тфырытфэ «Подравкэ» икъэлапчъэ Iэгуаор дадзагъ.

ЯтIонэрэ ешIэгъур

«Ростов-Дон» — «Подравка» — 42:24 (24:11).

«Ростов-Доным» иешIакIоу Виктория Калининар зэнэкъокъум хэлэжьагъ, иIэпэIэсэныгъэ­кIэ къахэщыгъ. Мыекъуапэ ар щыщ, Европэм икомандэхэм якъэлэпчъэIут анахь дэгъухэм ахалъытэ.

Финалым и 1/4-м «Ростов-Доныр» хэхьагъ. Мэлылъфэгъум и 3 – 4-м, и 10 – 11-м Норвегием иклубэу «Вайперсым» дешIэщт.