Коронавирусыр къызэузыгъэхэм япчъагъэ къызэрэ­щыкIагъэм ишIуагъэкIэ COVID-19-мкIэ сымаджэхэм ателъытэгъэ госпиталитIур — Мые­къопэ къэлэ сымэджэщым ­къыщызэIуа­хы­гъа­гъэмрэ Инэм район сымэджэщым щагъэпсыгъагъэмрэ зэфашIыжьыгъэх.

Республикэм джы Iоф щызы­шIэрэр зы госпиталь —– зэпа­хырэ узхэм зыщя­Iазэхэрэ сы­мэ­джэщэу Мыекъуапэ дэтыр ары. Непэрэ мафэм ехъулIэу ар гъолъы­пIэ 200 зытелъыта­гъэр, зэрэушъагъэр процент 59,5рэ — нэбгыри 119-мэ щя­Iазэх.

Инэм район сымэджэщыр джырэ уахътэм агъэкъэбзэжьы, оборудованиякIэ чIагъэуцо. ЫпэкIэ Iоф зэришIэщтыгъэм гъэтхэпэ мазэм и 29-м те­хьа­жьынэу агъэнафэ.

Мыекъопэ къэлэ сымэджэщым ихирургическэ отделение джырэ уахътэм гъэцэкIэжьынхэр щэкIох. Мы сымэджэщри джырэблагъэ агъэкъэбзэжьыщт ыкIи мэлылъфэгъу мазэм иапэрэ мафэхэм ыпэкIэ Iоф зэришIэщтыгъэм техьажьыщт.