Республикэу Къырым Урысыем къызыхэхьажьыгъэ мафэр гъэтхапэм и 18-м хагъэунэфыкIыгъ. Ащ фэгъэхьыгъэ Iофтхьабзэ Гавердовскэ къоджэ тхылъеджапIэм щыкIуагъ.

Ащ ипшъэрылъ шъхьаIэу щытыгъэр Къырым щыпсэурэ цIыфхэмкIэ мы мафэм мэхьанэу иIэр, тарихъыр ныбжьыкIэхэм ягъэшIэгъэнхэр ары.

ТхылъеджапIэм иIофышIэу Наталья Алексеевам къыгъэхьазырыгъэ зэдэгущыIэгъу цIыкIоу «Къырым ичIыпIэу зэлъашIэхэрэр» зыфиIорэр кIэлэцIыкIоу къеблэгъагъэхэм ашIогъэшIэгъоныгъ. Тарихъ ыкIи архитектурнэ мэхьанэ зиIэ чIыпIэхэу «Ласточкино гнездо», «Мраморная пещера», «Долина привидений», «Гора Ай-Петри» зыфиIохэрэм кIэлэеджакIохэр нэIуасэ афэхъугъэх.

Джащ фэдэу, Къырым ихыгъэхъунэ, къалэу Севастополь ныбжьыкIэхэр «зекIо ыщэнхэ» ылъэкIыгъ тхылъ­еджапIэм иIофышIэ. Мыщ щыпсэурэ цIыфхэм заужьыжьынымкIэ Урысыем амалышIоу къаритыгъэхэми ащигъэгъозагъэх.

Тхылъ къэгъэлъэгъонэу «Россия и Крым — мы вместе» зыфиIорэм Iоф­тхьабзэр къыгъэбаигъ.

Iэшъынэ Сусан.