Адыгэ Республикэм илIыкIо къулыкъухэм ядепутатхэу лъытэныгъэ зыфэтшIыхэрэр!

Адыгэ Республикэм ипар­ламентаризмэ и Мафэ фэшI тышъуфэгушIо!

Адыгэ Республикэм идепутатхэу хэдзакIохэм яфедэхэр къэзыгъэгъунэхэрэм, цIыфхэмрэ хабзэмрэ зэзыпхыхэрэм, щыIэныгъэм илъэныкъо зэфэшъхьафхэм афэхъурэ зэхъо­кIыныгъэхэм законодательнэ лъапсэхэр къафыхэзыхыхэрэм ящытхъу непэ тэIо.

Адыгэ Республикэм игъэцэ­кIэкIо хэбзэ, илIыкIо къулы­къу­хэм, чIыпIэ зыгъэIорышIэжьынымкIэ икъулыкъухэм язэдэлэ­жьэныгъэ Адыгэ РеспубликэмкIэ мэхьанэшхо иI. Республикэм шэпхъэ-правовой лъэпсэ дэгъу зэриIэм ишIуагъэкIэ экономикэми, социальнэ лъэны­къоми непэ нахь заушъомбгъу, Адыгеим ихэхъоныгъэкIэ мэхьанэшхо зиIэ пшъэрылъхэр агъэ­цакIэх, цIыфхэм ящыIэ­кIэ-псэукIэ зыкъегъэIэтыгъэнымкIэ амалхэр зэрахьэх.

Адыгэ Республикэм и Къэралыгъо Совет — Хасэм, муниципальнэ образованиехэм ялIыкIо къулыкъухэм ядепутатхэм мы мафэм тхьашъуегъэпсэу ятэIо япшъэрылъхэр дэ-гъоу зэрагъэцакIэрэм, Адыгеим ис цIыфхэм яфедэхэм якъэгъэ­гъунэн яшъыпкъэу зэрэдэла­жьэ­хэрэм афэшI.

Ныбджэгъу лъапIэхэр, псауныгъэ пытэ шъуиIэнэу, хэбзэгъэуцунымкIэ гъэхъэгъакIэхэр шъушIынэу, гухэлъышIоу шъуиIэхэр къыжъудэхъунэу, шIэныгъэу, амалэу шъуиIэр цIыфхэм ящыIэкIэ-псэукIэ зыкъезыгъэ­Iэтыщт пшъэрылъхэм язэшIохын тапэкIи фэжъугъэIорышIэнэу шъуфэтэIо!

Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожный