ЫпкIэ хэмылъэу упчIэжьэгъу афэхъущтых
Лъэпкъ проектэу «Демография» зыфиIорэм къыдыхэлъытагъэу 2020-рэ илъэсым нэбгыри 120-мэ ЭКО-р афашIынэу агъэнэфэгъагъ.
ШIокI зимыIэ медицинэ страхованиемкIэ Фондым къытIупщыгъэ мылъкумкIэ федеральнэ медицинэ учреждениехэм нэбгыри 127-рэ агъэкIогъагъ. Мыщ фэдэ шIыкIэмкIэ сабый 31-рэ къэхъугъ.
ШIокI зимыIэ медицинэ страхованием исистемэкIэ Iоф зышIэрэ учреждениехэм, репродукцием иклиникэу «Эмбрио» зыфиIорэм ЭКО 130-рэ ащашIынэу 2021-рэ илъэсым агъэнафэ.
Адыгэ Республикэм псауныгъэр къэухъумэгъэнымкIэ и Министерствэ иотдел испециалистэксперт шъхьаIэу (акушер-гинекологэу) Наталья Морозовам къызэриIуагъэмкIэ, ыпкIэ хэмылъэу ЭКО зыфашIыгъэхэм япчъагъэ илъэс къэс хэхъо.
Гъэтхапэм и 23-м шъолъырым иперинатальнэ гупчэ сабый къызфэмыхъухэрэм ыпкIэ хэмылъэу специалистхэр упчIэжьэгъу къащафэхъущтых. ШIоигъоныгъэ зиIэхэр зэкIэ къырагъэблагъэх. ПэшIорыгъэшъэу зыхэптхэным фэшI телефон номерэу: 89218674799-м утеон плъэкIыщт.
Абрэдж Сэтэнай.