УплъэкIунхэр ашIыгъэх
Адыгэ Республикэм хэгъэгу кIоцI IофхэмкIэ и Министерствэ ичIыпIэ отделхэм ащыщ иизо— лятор ипащэ ылъэны— къокIэ уплъэкIунхэр зэхащагъэх.
ПэшIорыгъэшъэу зэрагъэунэфыгъэмкIэ, мэзаем и 4-м зигугъу къэтшIыгъэ пащэм шапхъэу щыIэхэр ыукъохи, следователым ишIэ хэмылъэу, хэбзэгъэуцугъэр зыукъуагъэу мыщ щаIыгъыр унэе медицинэ клиникэ горэм ыпкIэ зыхэлъ фэIо-фашIэхэр щыфагъэцэкIэнхэу аригъэщэнэу унашъо ышIыгъ.
Урысыем и Следственнэ Комитет иследственнэ ГъэIорышIапIэу Адыгеим щыIэм МыекъуапэкIэ иотдел уголовнэ Iоф къызэIуихыгъ.
КъулыкъушIэм илажьэ загъэунэфыкIэ, ар IофшIапIэм IуагъэкIыщт ыкIи хэбзэгъэуцугъэм диштэу пшъэдэкIыжь рагъэхьыщт. Джащ фэдэу ипащи дисциплинарнэу агъэпщынэн алъэкIыщт.
АР-м хэгъэгу кIоцI IофхэмкIэ и Министерствэ ипресс-къулыкъу.