Гъэтхапэм и 9 — 14-м Урысыем волейболым­кIэ изэнэкъокъу хэлэжьэ­рэ командэхэу апшъэ­рэ лигэм иятIонэрэ куп хэтхэр Дагъыстан щызэде­шIагъэх.

Мыекъопэ «Динамо-МГТУ-р» зичэзыу ешIэгъухэм ахэлэжьагъ. Адыгеим икомандэ зэIукIэгъуи 4 иIагъ, зэкIэми текIоныгъэр къащихьыгъ.

ЗэIукIэгъухэр

«Дагъыстан» Махачкала — «Динамо-МГТУ» Мые­къуапэ — 2:3 (26:24, 23:25, 19:25, 25:23, 13:15). «Грозный-2» Грозный — «Динамо-МГТУ» — 0:3 (18:25, 13:25, 17:25). «Дагъыстан» — «Динамо-МГТУ» — 1:3 (13:25, 25:21, 17:25, 13:25). «Грозный-2» — «Динамо-МГТУ» — 0:3 (15:25, 17:25, 23:25).

Хэт тыдэ щыIа?

1. «Волжанин» К — 90 2. «Динамо» Иж — 72 3. «Кристалл» В — 63 4. «Элвари» С — 59 5. «Динамо-МГТУ» — 55 6. «Дагъыстан» — 47 7. «Тюмень» — 31 8. «Ростов-Волей» — 23 9. ЦОП — 12 10. «Грозный-2» — 10.

Я 10-рэ ешIэгъухэр Мыекъуапэ щыкIощтых. Гъэтхапэм и 18 — 23-м «Динамо-МГТУ-р» зэIу­кIэгъухэм ахэлэжьэщт.

Мыекъуапэ щыкIощт

— «Кристалл» Воронеж, «Рос­тов-Волей» Ростов-на-Дону тадешIэщт, — къытиIуагъ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм. — Финалым тыхэфэным фэшI зэIукIэгъухэм текIоныгъэр къащыдэтхын фае.

Павел Зборовскэм Махачкала «Динамо-МГТУ-р» дэгъоу ще­шIагъэу елъытэ, тикомандэ хэтхэм яIэпэIэсэныгъэ хагъахъо.