Мэз хъызмэтым хэхъоныгъэхэр ешIых
2008-рэ илъэсым къыщегъэжьагъэу Адыгеим имэзхъызмэтшIэпIэ еджапIэхэм хэхъоныгъэхэр ашIых. Ащ фэдэ купи 8 республикэм щызэхащагъ.
— Первомайскэ мэзхъызмэтшIапIэм хэхьэрэ «Орешек» зыфиIорэр;
— Мыекъопэ мэзхъызмэтшIапIэм хэхьэрэ «Зеленый патруль» зыфиIорэр;
— Мыекъопэ мэзхъызмэтшIапIэм хэхьэрэ «Лесничок» зыфиIорэр;
— Красногвардейскэ мэзхъызмэтшIапIэм хэхьэрэ «Хранители леса» зыфиIорэр;
— Красногвардейскэ мэзхъызмэтшIапIэм хэхьэрэ «Лесной патруль» зыфиIорэр;
— Красногвардейскэ мэзхъызмэтшIапIэм хэхьэрэ «Лесовичок» зыфиIорэр;
— Красногвардейскэ мэзхъызмэтшIапIэм хэхьэрэ «На страже леса» зыфиIорэр.
АР-м мэзхэмкIэ и ГъэIорышIапIэ иIэпыIэгъукIэ ахэм хэхъоныгъэхэр ашIых. Зэфэхьысыжьхэм къызэрагъэлъагъорэмкIэ, мэзхъызмэтшIэпIэ еджапIэхэм федеральнэ уасэ яIэ хъугъэ. 2020-рэ илъэсым УФ-м чIыопс къэкIуапIэхэмкIэ ыкIи экологиемкIэ и Министерствэ мэз хъызмэтымкIэ и Федеральнэ агентствэ игъусэу зэнэкъокъу зэхащагъ. Ащ къыщыхагъэщыгъэхэм республикэм имэзхъызмэтшIэпIэ еджапIэхэр ахэфагъэх. «Орешек», «Зеленый патруль» ыкIи «Лесничок» зыфиIохэрэм лъэныкъо зэфэшъхьафхэмкIэ сертификатхэр къафагъэшъошагъэх.
Адыгэ Республикэм мэзхэмкIэ и ГъэIорышIапIэ къызэрэщаIуагъэмкIэ, ыпэкIэ зигугъу къэтшIыгъэ Министерствэм зэхищэрэ «Всероссийский день посадки леса», «Сохраним лес», «Останови огонь» зыфиIохэрэм, нэмыкI Iофтхьабзэхэми еджапIэхэр ахэлажьэх.
Абрэдж Сэтэнай.