Тибзылъфыгъэ лъапIэхэр! Гъэтхэ мэфэкI шIагъом — бзылъфыгъэхэм я Дунэе мафэ фэшI тышъуфэгушIо!

Ныхэр, шъхьэгъусэхэр, пхъухэр, шыпхъухэр, щыIэныгъэмрэ дэхагъэм­рэ ятамыгъэу, кIэгъэкъон пытэу сыдигъуи шъущытыгъ, непи шъущыт.

Дунаир нахь дахэ зэрашIырэм, унэгъо хабзэхэр зэрагъэпытэрэм, кIэлэцIыкIухэр цIыфыгъэ шэпхъэ лъагэхэм зэрафапIурэм, республикэмрэ хэгъэгумрэ яхэхъоныгъэ яIахьышхо зэрэхашIыхьэрэм афэшI тибзылъфыгъэ лъапIэхэм лъэшэу тызэрафэразэр къэтэIо.

Тиджырэ лъэхъан обществэм ищыIэныгъэ илъэныкъо горэ бзылъфыгъэхэр щымылажьэхэу къызышIогъэшIыгъуай. Политикэми, общественнэ щыIакIэми ахэр чанэу ахэлажьэх, бизнесым пылъых, научнэ текIоныгъэхэр ашIых, тихэгъэгу испортивнэ гъэхъагъэхэм ахагъахъо, промышленностым, мэкъу-мэщым, хэбзэ къулыкъухэм, гъэсэныгъэмкIэ, псауныгъэм икъэухъумэнкIэ, культурэмкIэ учреждениехэм IэнэтIэ зэфэшъхьафхэр аIыгъэу хьалэлэу ащэлажьэх. Ащ дакIоу бзылъфыгъэхэр игъо ефэх нахьыжъхэм анаIэ атырагъэтынэу, сабыйхэр апIунэу, унэгъо кIоцIым зэгурыIоныгъэр къыщаухъумэнэу.

Унагъоми IофшIэнми уахътэрэ къарыурэ къазэрафэжъугъотышъурэр, анахь пшъэрылъ къинхэми язэшIохын пшъэдэкIыжь хэлъэу шъукъызэрекIуалIэрэр тэ, хъулъфыгъэхэм, тэгъэшIагъо.

Псауныгъэ пытэ, насып, щыIэкIэ-псэукIэ дэгъу яIэнэу, гъэтхэ мэфэкI гухахъом ащимыухьанэу, яунагъохэм ренэу гушIуагъо арылъынэу, ягупсэхэмрэ къапэблэгъэ цIыфхэмрэ ягуфэбэныгъэ щымыкIэнхэу, къэ­гъагъэхэр къапагъохынэу тыгу къыддеIэу бзылъфыгъэхэм тафэлъаIо!

Тибзылъфыгъэ лъапIэхэр, мэфэкIымкIэ тышъуфэгушIо! ШIоу щыIэр зэкIэ къыжъудэхъунэу шъуфэтэIо!

Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожный