Хабзэ зэрэхъугъэу, илъэс къэс гъэтхэ Iофтхьабзэу «Цветы для автоледи» зыфиIорэр республикэм и Къэралыгъо автоинспекторхэм зэхащэ.

Мыгъэ тибзылъфыгъэхэм афэгушIонхэу тигъогухэм къате­хьэгъэ инспекторхэм ягъусагъ зэлъашIэрэ композиторэу, Адыге­им ыкIи Къэрэщэе­-Щэрджэсым язаслуженнэ артистэу ЛIыбзыу Аслъан.

Къэблэгъэрэ мэфэкI мафэм ипэгъокIэу полицейскэхэм ямызакъоу, композиторэу ЛIыбзыу Аслъани зэрафэгушIуагъэр бзылъфыгъэхэм ягуапэ хъугъэ. ГъогурыкIоным ишапхъэхэр шIокI имыIэу зэрагъэцэкIэнхэ фаер мы мафэми агу къагъэкIыжьыгъ.

Машинэр зезыфэрэ бзылъ­фыгъэхэм ягъогу щынэгъончъэ­нэу зэхэщакIохэр афэлъаIохэзэ гъэтхэ къэгъагъэхэр аратыгъэх.