ЦIыфхэм IофшIапIэ къязытэу, страховать зышIыхэу УФ-м ПенсиехэмкIэ ифонд иучет хэтхэм зэкIэми яIофшIапIэ Iутым пэпчъ IофшIэгъэ илъэсэу иIэр зыфэдизым фэгъэхьыгъэ тхылъыр гъэтхапэм и 1-м шIомыкIэу къатын фэягъ.

ПенсиехэмкIэ фондым и Правление ыштэгъэ шIыкIэу «СЗВ-СТАЖ» зыфиIорэм диштэу ар гъэ­псыгъэн фае. Ар фондым иинтернет нэкIубгъоу www.pfrf.ru зыфиIорэм ипрограммэ щыпшIын ыкIи щыууплъэкIужьын плъэкIыщт.

Игъом тхылъыр къэзымытыгъэу е тэрэзэу зэпстэури къизымытхагъэм страхованием къыхиубытэрэ нэбгырэ пэпчъ сомэ 500 тазырэу зэрэрагъэтыщтыр зыщышъумыгъэгъупш. Электроннэ шIыкIэм тетэу тхылъхэр зэрэптыщтхэ шэпхъэ гъэнэфагъэр зымыгъэ­цакIэхэрэм атыщтыр сомэ 1000. Пэщэ IэнатIэм Iутхэми мыщкIэ пшъэдэкIыжь ахьы, сомэ 300 — 500 арагъэтынэу законым къыщыдэлъытагъ.

2021-рэ илъэсым мэзаем и 24-м нэс пштэмэ, страхователэу тхылъхэр къэзытыгъэр зэкIэмкIи 5227-рэ мэхъу. Ар къэзытын фаем ипроцент 78,2-рэ.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу.