Къыблэм дзюдомкIэ изэнэкъокъу Ермэл­хьаблэ щыкIуагъ.

Илъэс 23-м нэс зыныбжь кIа­лэхэр, пшъашъэхэр зэIукIэ­гъухэм ахэлэжьагъэх. Алырэгъум бэнэкIо 220-м нахьыбэ щызэнэ­къокъугъ. Адыгэ Республикэм ихэшыпыкIыгъэ командэ медали 9 къыдихыгъ.

Ульяна Ткаченкэм, кг 48-рэ, Джарымэкъо Долэт, кг 73-рэ, дышъэр къахьыгъ.

Лъэцэр Дамир, кг 66-рэ, Анна Ледневам, кг 63-рэ, Вардкез Акопян, кг 100-м къехъу, ятIонэрэ чIыпIэхэр къафагъэшъошагъэх.

Григорий Парфировым, кг 73-рэ, Бэгъ Аслъан, кг 100, Александра Клочковам, кг 48-рэ, Тулпэрэ Данэ, кг 78-м къехъу, ящэнэрэ чIыпIэхэр къахьыгъэх.

Аулъэ Астемир, кг 60, Лъэцэр Амир, кг 60, я 5 — 6-рэ чIыпIэхэр къыдахыгъэх.

— Урысыем дзюдомкIэ изэ­нэкъокъоу ныбжьыкIэхэм мыгъэ яIэщтым республикэм ибэнэкIо 13 хэлэжьэщт. Адыгэ Респуб­ли­кэм дзюдомкIэ испорт еджапIэу Кобл Якъубэ ыцIэ зыхьырэм зэкIэми зыщагъасэ, — къыти­Iуагъ Адыгеим дзюдомкIэ ихэшыпы­кIыгъэ командэ итренер шъхьаIэу, республикэм изаслуженнэ тренерэу Бастэ Сэлымэ.

Тренерхэу Беданыкъо Рэмэзан, Беданыкъо Байзэт, Мерэм Саидэ, Хьакурынэ Дамир, Адзынэ Алый, КIубэ Хьамедэ, Нэпсэу Бислъан ныбжьыкIэхэр агъасэх. Мерэм Саидэ Адыгэ Республикэм ибзылъфыгъэхэм дзюдомкIэ яхэшыпыкIыгъэ коман­дэ итренер шъхьаI, ныбжьыкIэхэм хэушъхьафыкIыгъэу Iоф адешIэ.

Сурэтым итхэр: тренерэу Хьакурынэ Дамир бэнакIохэм ахэт.