Гъэтхапэм зимэфэкIхэр
УФ-м ПенсиехэмкIэ ифонд и Къутамэу АР-м щыIэм пенсиер е нэмыкI ахъщэ тынхэр зыIэкIигъахьэхэрэм ащыщэу нэбгырэ 32-мэ яюбилей мы мазэу къихьагъэм хагъэунэфыкIыщт.
Ахэм анахьыбэхэм, ар нэбгырэ 20, аныбжь илъэс 90-рэ мэхъу. БзылъфыгъитIумэ, зыр Джэджэ, адрэр Тэхъутэмыкъое районхэм ащэпсэух, мы мазэм аныбжь илъэси 100 мэхъу. ЕтIани гъэшIэгъоныр, ахэр а зы мафэм къэхъугъэх, тIуми ацIэр Евдокия.
ЗимэфэкIхэр зэкIэри Хэгъэгу зэошхом иветераных, хэлэжьагъэх е тылым щыIагъэх.
Зэрэхабзэу, юбилярхэм УФ-м и Президентэу Владимир Путиныр къызщафэгушIорэ тхылъхэр къаIукIэщтых. ПенсиехэмкIэ фондым и Къутамэ иIофышIэхэри афэгушIох, псауныгъэ яIэу джыри бэрэ ягупсэхэм ашъхьагъ итынхэу афэлъаIох!
УФ-м ПенсиехэмкIэ ифонд и Къутамэу АР-м щыIэм ипресс-къулыкъу