Гъэтхапэм и 1-м къыщегъэжьагъэу и 5-м нэс «2021-рэ илъэсым икIэлэпIу анахь дэгъу» зыфиIорэ зэнэкъокъум имуниципальнэ уцугъо Адыгеим щыкIощт. КIэлэцIыкIу IыгъыпIэу N 10-м ар щызэхащэщт.

Мыекъопэ къэлэ администрацием гъэсэныгъэмкIэ и Комитет къызэрэщаIуагъэм­кIэ, Мыекъуапэ ыкIи станицэу Ханскэм адэт кIэлэцIыкIу IыгъыпIэхэм Iоф ащызышIэрэ нэбгыри 7 зэнэ­къокъум хэлэжьэщт. Эпидемиологие шапхъэхэм адиштэу Iофтхьабзэр зэха­щэщт, цIыф макIэ къырагъэблэгъэщт.

Зэнэкъокъум иапэрэ уцугъо «Интернет-портфолио» зыфиIорэ лъэныкъомкIэ зэнэкъокъугъэх, ятIонэрэ уцугъом «Мой успешный проект» ыкIи «Педагогическое мероприятие с детьми» зыфиIорэмкIэ заушэ­тыщт.

Анахь дэгъоу зыкъэзыгъэлъагъохэрэр аужырэ едзыгъом илъэныкъохэу «Мастер-класс» ыкIи «Ток-шоу» зыфиIохэрэм ахэлэжьэщтых. Зэнэкъокъум изэфэхьысыжьхэр гъэтхапэм къэнэфэщтых, текIоныгъэ мыщ къыщыдэзыхырэр «2021–рэ илъэсым икIэлэпIу анахь дэгъу» зыфиIорэ зэнэ­къокъум иреспубликэ уцугъо зыкъыщигъэлъэгъощт.

(Тикорр.).