«Зэкъошныгъ» Мыекъуапэ — «Факел» Во­ро­неж — 3:1. УплъэкIун ешIэгъур мэзаем и 27-м Новорос­сийскэ щыкIуагъ.

«Зэкъошныгъ»: Гиголаев, Хъуа­кIо (Арсеньев, 46), Подковыровыр, Полажнов, Хьагъур, Къонэ (М. Делэкъу, 75), Ещенко (Букия, 46), Гогитый, Крылов (Такълый, 46), Ашэ (Хьа­саныкъу, 80), Бабенко.

2020 — 2021-рэ илъэс ешIэгъум пиублэжьынэу «Зэкъошныгъэм» зегъэхьазыры. УплъэкIун зэIукIэгъум ешIэкIо ныбжьыкIэхэр, клубым бэмышIэу къырагъэблэгъагъэхэр хэлэжьагъэх.

Владислав Полажновым угловоир къызетым, хъагъэм Iэгуаор дидзагъ. ЯтIонэрэ едзыгъор рагъэжьагъэу «Факел» ыпэкIэ къы­зелъым, «Зэкъошныгъэм» икъэлапчъэ Iэгуаор къыдидзагъ.

Адыгеим иешIакIохэр япчъагъэ­кIэ нахьыбэ хъухэу апэкIэ илъы­хэзэ, «Факел» иухъумакIохэр нахьыбэрэ агъэгумэкIыхэу аублагъ. Воронеж икомандэ иухъумакIохэм ащыщ шапхъэр зеукъом, Къонэ Амир пенальтикIэ къэлапчъэм Iэгуаор дидзагъ. Такълый Руслъан къэлапчъэм пэблагъэхэм Iэгуаор аритыгъ. Къонэ Амир псынкIэу шIыкIэшIу къыгъоти, къэлапчъэм дэонэу игъо ифагъ — 3:1.

— УплъэкIун ешIэгъухэр тыу­хыгъэх, Мыекъуапэ къэдгъэзэ­жьыгъ, — къытиIуагъ «Зэкъошныгъэм» итренер шъхьаIэу, Адыгэ Республикэм изаслу-женнэ тренерэу Ешыгоо Сэфэрбый. — Гъэтхэпэ мазэм и 7-м Налщык тыщыIукIэщт чIыпIэ ­командэу «Спартакым».

Гъэтхапэм и 13-м «Зэкъошныгъэр» мыгъэ апэрэу Мыекъуа­пэ щешIэщт, «Динамо» Ставрополь IукIэщт.