Джэджэ районым инароднэ депутатхэм я Совет я 49-рэ зэхэсыгъоу иIагъэм муниципальнэ образованием иадминистрацие ипащэ щыхадзыгъ.

Депутатхэм янахьыбэм амакъэхэр фатыгъэх Андрей Таранухиным. Ар ащ ыпэкIэ Джэджэ район администрацием граждан зыухъумэжьынымкIэ ыкIи ошIэ-дэмышIэ IофхэмкIэ иотдел ипэщагъ.

Шъугу къэдгъэкIыжьын, 2020-рэ илъэсым ишэкIогъу мазэ и 10-м нэс район администрацием пэщэныгъэр дызезыхьэгъэ Александр Бутусовыр пIалъэм нэмысэу иIэнатIэ IукIыжьыгъ.