Мэзаем и 20-м къыщегъэжьагъэу и 23-м нэс Мые­къопэ районымкIэ къутырэу Шэнтыкъо дэт щэрыон комплексэу «Бизон» зыфиIорэм цIыфэу кIодыгъэхэр къызэрагъотыжьыщтхэм фэгъэхьыгъэ егъэджэнхэр щызэхащагъэх.АР-м граждан зыухъумэжьынымкIэ ыкIи ошIэ-дэмышIэ IофхэмкIэ и Комитет къызэрэщаIуагъэмкIэ, Iофтхьабзэм хэлэжьагъэхэр гуфит объединениехэр арых. Ахэмэ ащыщых пшъэрылъэу иIэмкIэ гъунэпкъэ гъэнэфагъэ зиIэ обществэу «Центр формирования навыков безопасности «РИКОН» (къалэу Москва), Адыгэ Респуб­ликэмкIэ — лъыхъон-къэгъэ­нэжьын отрядэу «Лиза Алерт» зы­фиIохэрэр. Джащ фэдэу Дагъыстан, Къэбэртэе-Бэлъкъар респуб­ликэхэм, Къырым, Адыгэ Респуб­ликэм хэгъэгу кIоцI IофхэмкIэ и Министерствэ, УФ-м и Следственнэ комитет АР-мкIэ иследственнэ гъэIорышIапIэ ыкIи УФ-м ошIэ-дэмышIэ IофхэмкIэ и Министерствэ и Адыгэ лъыхъон къэгъэнэжьын отряд ялIыкIохэр ащ хэлэжьагъэх.

(Тикорр.).