Урысые Федерацием IофшIэнымкIэ и Кодекс ия 392-рэ статья къызэрэщыдэлъытагъэмкIэ, Iоф­шIэным епхыгъэ фитыныгъэхэр зыпкъ изыгъэуцожьы зышIоигъом мэзи 3-м къыкIоцI хьыкумым зыфи­гъэ­зэн фае.

IофшIапIэм къызэрэIуагъэкIы­гъэр зэрэшIомытэрэзымкIэ мазэм къыкIоцI, лэжьапкIэр икъоу къызэрэрамытыжьыгъэмкIэ илъэсым къыкIоцI ар тхьаусыхэн ­ылъэкIыщт. IофшIапIэм къыIуа­гъэкIыжь зэхъум ифитыныгъэхэр аукъуагъэу хьы­кумым зигъэунэ­фыкIэ, IофышIэр зэрэкIэдэурэм тетэу унашъо аштэн алъэкIыщт моральнэ зэ­рар къызэрэрахыгъэм пае Iоф­шIэнымкIэ Кодексым ия 394-рэ статья диштэу ахъщэ компен­сацие ащ къетыжьыгъэнэу.

Фитыныгъэхэр зыпкъ игъэуцожьыгъэнхэмкIэ, моральнэ зэрар къызэрэрахыгъэм пае компенсацие къягъэпщыныжьыгъэнымкIэ а зы уахътэм шIокI имыIэу хьыкумым зыфагъэзэн фаеу Урысые Федерацием IофшIэнымкIэ ихэбзэгъэуцугъэ къызэрэщыдэмылъытагъэм епхыгъэу фитыныгъэхэр аукъуа­гъэу хьыкумым зыщилъытэгъэ унашъом хэбзэ кIуачIэ иIэ зыхъурэ нэужи зигугъу къэтшIыгъэ компенсациер къаIахыжьын алъэкIыщт. Компенса­цие къаратыжьынэу ежь-ежьырэу кIэдэухэрэм Урысые Федерацием IофшIэнымкIэ и Кодекс ия 392-рэ статья щыгъэнэфэгъэ пIалъэхэр алъыIэсыхэрэп.

Урысые Федерацием и Гражданскэ процессуальнэ кодекс ия 45-рэ статья иа 1-рэ Iахь тетэу цIыфхэм яфитыныгъэхэр, яфедэхэр, яшъхьафитыныгъэ къэухъумэгъэнхэм афэшI прокурорым хьыку­мым зыфигъэзэн ылъэкIыщт япсау­ныгъэ изытет, ныбжьэу яIэм ыкIи нэмыкI ушъхьагъухэм къахэкIэу ахэм хьыкумым зыфагъэзэнэу амал ямыIэ зыхъукIэ.

IофшIэным епхыгъэ фитыныгъэ­хэр зыпкъ игъэуцожьыгъэнхэм, моральнэ зэрар къазэрарахыгъэм пае компенсацие къафэлъэгъужьыгъэным зыщыкIэлъэIухэрэ тхылъхэмкIэ прокуратурэм икъулыкъухэм зафагъэзэн алъэкIыщт.