«Зэкъошныгъэм» зегъэхьазыры
«Зэкъошныгъ» Мыекъуапэ – «КАМАЗ» Набережные Челны — 2:2.
«Зэкъошныгъ»: Гиголаев, ХъуакIо, Подковыров, Газитый, Полажнов, Хьагъур, Къонэ, Ещенко, Крылов, Ашэ, Бабенко.
ЯтIонэрэ едзыгъом ешIапIэм къихьагъэхэр: М. Делэкъу, Букия, Шъхьэлахъо, Такълый.
ТиешIакIохэу къэлапчъэм Iэгуаор дэзыдзагъэхэр: Полажнов, Ашэ.
— 2020 — 2021-рэ илъэс ешIэгъум пытыублэжьынэу зытэгъэхьазыры. Новороссийскэ тыщыIэу уплъэкIун зэIукIэгъухэм тахэлажьэ, — къытиIуагъ «Зэкъошныгъэм» итренер шъхьаIэу Ешыгоо Сэфэрбый. — Осымрэ чъыIэмрэ къахэкIэу бэрэ футбол тешIэн тымылъэкIырэми, илъэс зэнэкъокъум дэгъоу зыфэдгъэхьазыры тшIоигъу.
Мэзаем и 27-м «Зэкъошныгъэр» «Факел» Воронеж Новороссийскэ щыIукIэщт, и 28-м Мыекъуапэ къыгъэзэжьыщт.
Гъэтхапэм и 7-м «Зэкъошныгъэм» илъэс зэнэкъокъум пиублэжьыщт. «Спартак» Налщык апэрэ зэIукIэгъур Мыекъуапэ щыдыриIэщт.