Осышхоу къесыгъэм къыздихьыгъэ гумэкIыгъохэр дэгъэзыжьыгъэнхэм фэшI Адыгеим имуниципалитетхэм шэмбэт шIыхьафхэр ащыкIуагъэх.

Осышхо къызэресы­гъэм къыхэкIыкIэ шъо­лъырым икоммунальнэ къулыкъухэм гъэлъэшыгъэ шIыкIэм тетэу Iоф ашIэ. Гъогухэм ятхъункIэ, ягъэкъэбзэнкIэ алъэкI къанэрэп, арэу щытми, лъэсрыкIуапIэхэр агъэ­къэбзэнхэу игъо ифэ­хэрэп.

Ащ къыхэкIыкIэ къэра­лыгъо хэбзэ къулыкъу­хэм, организациехэм ыкIи предприятиехэм ялIыкIохэр зыхэлэжьэ­гъэхэ шэмбэт шIыхьаф мэзаем и 19-м зэхащагъ, общественнэ ыкIи социальнэ мэхьанэ зиIэ чIыпIэхэр агъэкъэбзагъэх.

Шъугу къэдгъэкIыжьын, Адыгэ Республикэм и ЛIышъхьэу КъумпIыл Му­рат и Указ къыдыхэ­лъы­тагъэу гъэлъэшыгъэ шIыкIэм тетэу респуб­ли­кэм щэзекIох. ОшIэ-дэмы­шIагъэхэр къэмыхъунхэм ыкIи ахэр дэгъэзыжьыгъэнхэм афэгъэзэгъэ республикэ Комиссием изэхэсыгъоу иIа­гъэм зэ­пымыоу осыр къызэресыгъэм къыхэ­кIэу аварийнэ, коммунальнэ ыкIи нэмыкI къу­лыкъухэм яIо зэхэ­лъэу Iоф зэдашIэн зэрэфаем щытегущыIагъэх. Коммунальнэ къу­лыкъу­хэм яIофшIэн зэ­рэ­зэ­хащэрэм анахьэу анаIэ тырагъэтынэу Адыге­им и ЛIышъхьэ муниципалитетхэм япащэхэм пшъэ­рылъ къафишIыгъ.

КIАРЭ Фатим. Сурэтыр Мыекъуапэ иадминистрацие ипресс-къулыкъу къыт­Iэ­кIигъэхьагъ.